លោកស្រី កែវ រស់និស្ស័យ

លោកស្រី កែវ រស់និស្ស័យ មានតួនាទីជា នាយិកានាយកដ្ឋានកិច្ចការច្បាប់ និងលេខាធិការក្រុមហ៊ុន នៅធនាគារ ព្រីនស៍។ លោកស្រី មានបទពិសោធន៍យ៉ាងទូលំទូលាយ ក្នុងការគ្រប់គ្រងសាជីវកម្ម និងពាណិជ្ជកម្មប្រតិបត្តិការអចលនទ្រព្យ និងបញ្ហាវិវាទ។

លោកស្រីបានផ្តល់ការប្រឹក្សា ស្តីពីយុទ្ធសាស្ត្រផ្សេងៗ នៃការហក់ចូលទីផ្សារ និងការចាកចេញ រួមទាំងការបង្កើតក្រុមហ៊ុន និងអភិបាលកិច្ច សាជីវកម្ម រចនាសម្ព័ន្ធនៃការទិញយកអចលនទ្រព្យ ការចរចា សេចក្តីព្រាង និងការរៀបចំកិច្ចព្រមព្រៀងលក់ និងទិញដីធ្លី  ការអភិវឌ្ឍន៍ដីធ្លីនិងខុនដូជាដើម។ លោកស្រី បានធ្វើការពិនិត្យឡើងវិញនូវឯកសារអចលនទ្រព្យសម្រាប់ការជួលរយៈពេលខ្លីនិងវែង និងបានធ្វើការប្រឹក្សាយោបល់ដល់អតិថិជនអំពី វិវាទរដ្ឋប្បវេណីនិងព្រហ្មទណ្ឌ ជាអាជ្ញាកណ្តាល និងបញ្ហាផ្សេងទៀតដែលទាក់ទងនឹងបញ្ហាវិវាទ។

លោកស្រីកែវ រស់និស្ស័យ បានបញ្ចប់ថ្នាក់បរិញ្ញាបត្រពីសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច (RULE) បរិញ្ញាបត្រជាន់ខ្ពស់ពីសាកលវិទ្យាល័យ Lumière Lyon 2 នៃប្រទេសបារាំង និង បណ្ឌិតផ្នែកច្បាប់ ពីសាកលវិទ្យាល័យ Florida នៃសហរដ្ឋអាមេរិក។