លោក Lee Kok Seng (ERIC)

លោក Eric នាំមកនូរបទពិសោធន៍ ២៥ឆ្នាំ នៅក្នុងវិស័យធនាគារគួបផ្សំនឹងបទពិសោធន៍ ១០ឆ្នាំ ក្នុងការគ្រប់គ្រងម៉ាករថយន្ត ហើយឥឡូវនេះ លោកគឺជាប្រធានផ្នែកសេវាកម្មហិរញ្ញវត្ថុរថយន្តនៅធនាគារ ព្រីនស៍ ម.ក កម្ពុជា។

លោកបានចាប់ផ្តើមអាជីពធនាគាររបស់លោកជាមន្ត្រីឥណទាន ហើយ បានកាន់មុខតំណែងផ្សេងៗក្នុងការលក់ និងប្រតិបត្តិការ មុនពេលក្លាយជា ប្រធានផ្នែកហិរញ្ញវត្ថុរថយន្ត - ដំបូងនៅធនាគារ EON Bank បន្ទាប់មកគឺ ធនាគារ Hong Leong ។ ក្នុងនាមជាប្រធានផ្នែកហិរញ្ញវត្ថុរថយន្ត លោក គ្រប់គ្រងអាជីវកម្មប្រាក់កម្ចីរថយន្តធំជាងគេទីបី ក្នុងចំណោមស្ថាប័ន ហិរញ្ញវត្ថុម៉ាឡេស៊ីដែលមានទឹកប្រាក់ចំនួន ៤,៨ពាន់លានដុល្លារ។ នៅពេលចាកចេញពីវិស័យធនាគារ លោក Eric បានគ្រប់គ្រងផ្នែកលក់រថយន្ត និង សេវាកម្មចែកចាយសម្រាប់រថយន្តម៉ាកល្បីៗនៅអឺរ៉ុប និងជប៉ុនអស់រយៈពេលមួយទសវត្សរ៍ រួមមាន Volkswagen, Toyota, Mazda និង Proton ។

លោក Eric ទទួលបានសញ្ញាបត្ររងផ្នែកគ្រប់គ្រងធុរកិច្ច ពី វិទ្យាស្ថានបណ្តុះបណ្តាល និងអភិវឌ្ឍន៍នៃមហាវិទ្យាល័យម៉ាឡេស៊ី ហើយលោកក៏ជាអ្នកជំនាញឥណទានដែលមានការបញ្ជាក់ (CCP) ដោយវិទ្យាស្ថានធនាគារិកម៉ាឡេស៊ីផងដែរ។