យីហោនិយោជកឆ្នើមទូទាំងសកលលោកឆ្នាំ 2024

ថ្មីៗនេះ ធនាគារ ព្រីនស៍ បានឈ្នះពានរង្វាន់អន្តរជាតិ "យីហោនិយោជកឆ្នើមទូទាំងសកលលោកឆ្នាំ 2024" ពីស្ថាប័នអន្តរជាតិ World HRD Congress សម្រាប់គំនិតផ្តួចផ្តើមដ៏ឆ្នើមលើ កម្មវិធីហ្វឹកហាត់បុគ្គលិក  ការទទួលស្គាល់នេះ បានបង្ហាញពីការប្តេជ្ញាចិត្តរបស់ធនាគារក្នុងការបន្តផ្តល់ឱ្យបុគ្គលិករបស់យើងនូវចំណេះដឹង ជំនាញ និងអាកប្បកិរិយាចាំបាច់ ដើម្បីទទួលបានជោគជ័យក្នុងតួនាទីរបស់ពួកគេ និងក្នុងវិស័យធនាគារ។

កម្មវិធីបណ្តុះបណ្តាលបឋមចំនួនបីដែលផ្តល់ដោយធនាគារ ព្រីនស៍ រួមមាន៖ កម្មវិធីធនាគារស្នូល កម្មវិធីភាពជាអ្នកដឹកនាំ និងជំនាញទន់ ព្រមទាំងកម្មវិធីបណ្តុះបណ្តាលខាងក្រៅ ដែលសុទ្ធតែជាកត្តាសំខាន់ៗរួមចំណែកធ្វើឱ្យធនាគារឈ្នះពានរង្វាន់ដ៏មានកិត្យានុភាពនេះ។ កម្មវិធីទាំងនេះត្រូវបានរចនាឡើងដោយមានការថែទាំ និងយកចិត្តទុកដាក់យ៉ាងល្អិតល្អន់ចំពោះព័ត៌មានលម្អិត ដែលជាលទ្ធផលនៃការបញ្ចូលគ្នារវាងជំនាញ ចំណេះដឹង និងផ្នត់គំនិត។

យើងជឿជាក់ថា កម្មវិធីបណ្តុះបណ្តាលរបស់យើងមិនត្រឹមតែពង្រឹងសមត្ថភាពបុគ្គលិកប៉ុណ្ណោះទេ វាក៏កំណត់អនាគតរបស់ធនាគារផងដែរ។ យើងប្តេជ្ញាចិត្តនឹងរក្សាជំហរឈានមុខគេរបស់ធនាគារ ព្រីនស៍ ក្នុងឧស្សាហកម្មហិរញ្ញវត្ថុ ដោយធានានូវគុណភាព និងឧត្តមភាពនៃបុគ្គលិករបស់យើង ដើម្បីឱ្យមានការរីកចម្រើន និងការអភិវឌ្ឍន៍ជាបន្តបន្ទាប់តាមរយៈកិច្ចខិតខំប្រឹងប្រែងរបស់នាយកដ្ឋាន។

សម្រាប់ព័ត៌មានបន្ថែមអំពីធនាគារ ព្រីនស៍ ឬស្វែងរកឱកាសការងារ សូមចូលទៅកាន់ www.princebank.com.kh/page-career